ព្រះសីហនុ៖ នគរបាលខេត្តព្រះសីហនុ បានឃាត់ខ្លួនមនុស្ស ៩នាក់ក្នុងនោះស្រី ២នាក់ ក្នុងពេលចុះឆែកឆេរអាវុធជាតិផ្ទុះ ស្ថិតនៅ ភូមិ១ សង្កាត់៣ កាលពីយប់ថ្ងៃទី១៦ ខែកុម្ភៈ ឆ្នាំ២០២២ ជិតផ្សារទំនើបព្រីន ដោយបានត្រួតពិនិត្យឆែកឆេររថយន្តចំនួន ១៣៥គ្រឿង។
ជាលទ្ធផលកិច្ចសហប្រតិបត្តិការនេះបានឃាត់ខ្លួនមនុស្សចំនួន៩នាក់ ស្រី២នាក់ ដកហូតវត្ថុតាងរួមមាន ម្សៅសថ្លាចំនួន ១ដបតូចសង្ស័យសារធាតុញៀន អាវុធខ្លីចំនួន ៤ដើម និងរថយន្តចំនួន ៥គ្រឿង ។
បច្ចុប្បន្នមនុស្ស និងវត្ថុតាងបានប្រគល់ជូនកំលាំងជំនាញដើម្បីសាកសួរ និងអនុវត្តតាមនីតិវិធី៕
